Daukagunak definitzen gaitu?

Hori esaten duenak, Truman Capoteren hitru beroki ditu, harenak izanak zirelako, eta ondo geratzen zitzaizkiolako erosiak. Eta dauzkagun gauzen arabera ezagugarriak garela uste duenez, halaxe idatzi du nobela: bi protagonistak maitemindu dira, gero apartatu dira, eta bakoitzaren gauzak enkantean jarriko dituzte. Eta dituzten gauzen bidez aurkeztuko dizkigu maitale izandakoak.
Leanne Shapton du izena ''Artefactos importantes'' nobela-edo idatzi duen ilustratzaile kanadiarrak. Esan diote nobela berrasmatu duela, eta berak irribarrez erantzun, ezetz. Porrot egin duen maitasun historia idazteko hamaika era frogatu dituela. Eta denak alferrik.
Arratsean dauzkagu... Ez. Ez gara ondo hasi. Arratsean ez daukagu, eduki, ezer.