Larunbatean
Altsasukoen kuadrillakoekin hizketan, larunbateko 'Amarauna'n, Artzeren musikarekin
ERREDAKZIOA | G.U.
Ainara Urkijoren eta Iñaki Abaden lagunekin izandako solasaldiarekin abiatuko dugu saioa. Gainera, Joxean Artzeri Usurbilen egingo dioten omenaldian izango da Xabier Sukia lankidea.
Ainara Urkijo eta Iñaki Abad gazte altsasuarren kuadrillako lagunekin hitz egin du 'Amarauna'k; Iñaki, Andres eta Ekiñerekin. Iruñean manifestazioa egingo duten egunean, horien testigantzekin abiatuko dugu larunbateko saioa, 10:00etan.
Goizean zehar, bestalde, Joxean Artzeri Usurbilen egingo dioten omenaldian egongo da Xabier Sukia. Handik kontatuko du zein ziren Artzeren leku kuttunak, zer omenaldi prestatu dioten… Eta 11:00etan, Goierriko mendizale beteranoak, taldeak hamar urte beteko baititu. Eurek kontatuko dute nola prestatzen dituzten asteroko irteerak, zer eratako bidaiak egiten dituzten…
Larunbatero eta igandero, 10:00etatik 13:00etara, 'Amarauna'.