"Urrezko diskoa"
Eguberri kantak hondartza giroan, Beach Boys-ekin
O.K.
Euskadi Irratia
Beach Boys-en disko hau entzunda elur zuriz estalita irudikatu ditzakegu Californiako hondartzak. Baina euren armonia alai eta argiei esker bizi-berritu egiten dira gabon giroko kantak.
“Christmas with the Beach Boys” diskoaren CD bertsioa 2004an plazaratu zen baina jatorrizko lana 1991garren urtekoa da. Diskoaren bukaeran, Dennis Wilsonek luzatutako Eguberri Mezua eta Brian Wilsoni egindako elkarrizketa entzun daitezke.Hondartzako mutilek, gutxik bezala lortu dute gabon kanten edertasuna Rock-and-Rollaren taupadarekin uztartzea. Ohi bezala, armonia dotorez janzten dituzte diskoan landutako gai guztiak. Kanta batzuk Eguberri giroko kanta ezagunak dira. Esaterako, “Santa Claus is coming to Town” edo “We Three Kings of Orient are”. Beste batzuk berriz, Beach Boys taldeak sortutako gaiak ditugu. Hoietakoak dira “Santa’s Beard” eta “Merry Christmas Baby”.