Roberto Uriarteri hauteskunde elkarrizketa, 'Faktoria'n

Igandean izango dira Espainiako Gorteetarako hauteskundeak, eta, hauteskunde kanpaina betean, Roberto Uriarte Kongresurako Elkarrekin Podemosen Bizkaiko zerrendaburua elkarrizketatuko du Maite Artolak, asteazkeneko 'Faktoria' saioan, 08:30etik aurrera.

09:00etan, berriz, aktualitatearen errepasoa egingo dute Hedoi Etxartek, Iker Riojak eta Mikel Irizarrek solasaldian.

08:00ak jo aurretik, Begoña Muruagarena izango da ''Sinadura''.

10:00etan ekingo dio magazinari Manu Etxezortuk. Hasteko, hauteskundeen atarian gazteek duten iritzia bilduko dugu. Gainera, ile apaindegi ekologikoen lehenengo kongresua egingo dute Donostian, eta Maialen Atxagak emango dizkigu azalpenak. 'Zientzia eta pazientzia' tartean, Eneko Axpe 'Maisha' eta Uxune Martinez eskuak ondo garbitzeaz eta hatz aztarnez ariko dira. Zuberoari buruzko estereotipoak apurtzen ahaleginduko gara jarraian, eta Behobia-Donostia lasterketaren atarikoa egingo dugu. Urdaibai Bird Centerrera ere joko dugu, Edorta Unamunorekin hitz egiteko.

07:00etatik 13:00etara izango da martxan 'Faktoria'.