Pantaila aurrean jartzeko zaletasunaz asteazkeneko 'Faktoria'n

Goizeko 10:00etan umeek bideojoko zein telebista aurrean egiten duten denboraren egokitasuna izango dute hizpide 'Faktoria'n. Felix Etxeberria psikopedagogoarekin eta Ideateca eta Ikasplay bideojoko eta interneteko aplikazio enpresetako kideekin hitz egingo dute.

10.30etan bestalde, Gernika 2012 ekimenaren nondik norakoen inguruan galdetuko du hango udalean. Bonbardaketatik 75 urte betetzen diren urteari begira antolatu duten ekimena da.

Eta 11.30etan, Goya sarietan izendatu duten Virgen negra emakume afrikarren sexu osasunaren inguruko laburmetrai dokumentalaren gainean arituko gara. Gurekin izango da Amaia Ramirez pelikularen ekoizlea.