Izarretara artista baten eskutik 'Norteko Ferrokarrilean'

Gaur bidaia berezia egin dugu izarretara, ilustratzaile baten eskutik. Pentsa; zulo beltz bati buruzko albiste bat ilustratu behar denean, adibidez, ez da aukerarik izaten hara joateko eta argazki bat egiteko. Horren partez, ilustratzaile bati eskatzen zaio irudi ikusgarri bat egiteko.

Hain zuzen ere, espazio agentziek eta erakunde handienek badituzte adituak horrelako material grafikoa sortzeko. Askotan, fisika eta astronomia ikasitako artistak dira; haien jakintza jartzen dute zientziaren komunikazioaren munduaren eskura ba horixe: bestela ilustratu ezin dena ilustratzeko.

Gaur haietako batekin izan gara. ESO erakundean egiten du lan, European Southern Observatory erakundean, eta portugaldarra da. Haren izena Luis Calçada da, eta gurekin irratian egoteko tartea hartu zuen.