Josu Erkoreka, "Faktoria"n

Josu Erkoreka Eusko Jaurlaritzako Segurtasun sailburua izango da, asteazken honetan, "Faktoria" albistegiko gonbidatu nagusia. 08:30etik aurrera erantzungo ditu Iñaki Guridik egingo dizkion galderak.

Nerea Azurmendik, Eneko Etxeberriak eta Xabier Aierdik osatuko dute analisi mahaia, 09:00etatik aurrera. Aktualitateko gaiez gain boluntariotzaz arituko gara, eta gizartearen alde musutruk lan egiteko garai onak ote diren galdetuko dute, besteak beste, Greenpeace, Zaporeak, elikagai bankua eta Atzegi elkarteetan.

Ion Celestinok egindako musika aukeraketarekin iritsiko dira 10:00etara.

10:00etan ekingo dio magazinari Manu Etxezortuk. Pou Anaiek Maria Petit mendizale itsuarekin eskalatu dute izotzezko hormetan, eta Eneko Pouk emango dizkigu azalpenak. Gainera, Neguko Olinpiar Jokoetatik bueltan, Adur Etxezarreta eta Manex Salsamendi eskatzaileekin hitz egin dugu. 11:00etan, Zientzia eta pazientzai" tartea zabalduko dugu Eneko Axperekin eta Uxune Martinezekin, eta Deustu barrutiko bi argazki bilatzaile ezagutuko ditugu: Txema Juanes eta Kepa Gallastegi. 12:00etan, berriz, Asier Arrieta bidaiariarekin Turkiara joko dugu, eta artileaz hitz egingo duygu Joseba Edesarekin (Muturbeltz elkartekoa) eta Rakel Santamariarekin (Artilea Mundura proiektua).