Arnaldo Otegi, EH Bilduren koordinatzaile nagusia, "Faktoria"n

Hezkuntza lege adosteko alderdien arteko akordiorik izango den argitu ondoren, "Faktoria" albistegian izango da Arnaldo Otegi, Euskal Herria Bilduko koordinatzaile nagusia. Harekin aztertuko ditugu aktualitate politikoak ekarri dituen azken berriak. Hizpideen artean izango dira erregai eta energia garestitzeak eta garraiolariak egiten ari diren greba.

Mahai gainean jarriko dugu gaia solasaldian. Astelehenean, aktualitatea aztertuko dugu Nagua Alba, Ainhoa Etxaide eta Ibai Fernandezekin eta sartu-irtenak egingo ditugu Bilbo, Donostia eta Iruñeko azoka eta saltokietan, elikagaien eskasia handitu ote den jakiteko.

Astelehenean trafiko arau berria indarrean sartu ostean, isun handiagoa izango dute, adibidez, gidatzean sakelakoa erabiltzen dutenek. Ertzaintzaren patruila batekin ibiliko gara goiz osoan, arau-hausterik egiten ari garen ikusteko.

10:00etan, berriz, Manu Etxezortuk hartuko du lekukoa, magazinari hasiera emateko.