Iñigo Iturrate, "Faktoria"n

Iñigo Iturrate Eusko Alderdi Jeltzaleko diputatua izango da, asteazken honetan, "Faktoria"ko gonbidatu nagusia. 08:30etik aurrera erantzungo ditu Iñaki Guridik egingo dizkion galderak.

Solasaldiaren orduan, Nerea Azurmendi, Eneko Zarraoa eta Ramon Ibeas arituko dira aktualitateak dakartzan albisteen analisia eginez. Barrualdeetan musukoa erabiltzeko derrigortasuna bertan behera geratuko den lehen egunean, Adrian Aginagalde epidemiologoarekin arituko gara, besteak beste.

Ion Celestinoren sormeneko musikarekin osatuko dute hamarrak arteko bidea.

10:00etan magazinari ekingo dio Ainhoa Urretabizkaiak. Eugenio Goikoetxea txirrindulari ohia elkarrizketatuko dugu, eta "Zientzia eta pazientzia" tartea zabalduko dugu Uxune Martinezekin eta Eneko Axperekin. Gainera, El Pobal kobazuloko esperientzia turistikoa ezagutuko dugu, eta Asier Arroita bidaiariak munduko beste txoko bat ekarriko digu.