Uxue Barkos, "Faktoria"n

Uxue Barkos, Geroa Baik Nafarroako Parlamentuan duen bozeramailea, elkarrizketatuko dugu ostiralean "Faktoria"n. 08:30ean erantzungo die Iñaki Guridik egingo dizkion galderei. Solasaldiaren garaian, Hedoi Etxartek, Javier Arrietak eta Nagua Albak osatuko dute analisiaren mahaia. Maddalen Arzallusek kantuz emango dio errematea kantuari.

Lekukoa Maider Segurolak hartuko du 10:00etan, magazinari ekiteko. Hasteko, CIES neurketak nola egiten dituzten kontatuko digu Aurkene Goldarazenak, landa lanaren arduradunak. "Bai baina…" gogoeta tartean, Aintzane Garmendiarekin hitz egingo dugu, Amezketako Argaia Goenako baserritarrarekin, Landa Eremuko Emakumeen egunean. Elkarrizketatu nagusia Mikel Nieve izango dugu, txirrindularitza profesionalari agur esan ostean, eta bizikleta bat egurrekin egiteko tailerraz hitz egingo dugu ondoren Mikel Ortegarekin.

Ondoren, Haritza Saizek Bilboko Gorde tabernan biniloak jartzen dituztela kontatuko digu. Nazioarteko arteaz hitz egingo dugu Itxaso Mendiluze arte komisarioarekin, eta Seaskako Integrazio Batzordeak haurrentzako laguntzaileak behar dituenez, Maiena Etxeverri Integrazio Batzordeko kidearekin mintzatuko gara. BBC tertulian izango ditugu Asel Luzarraga eta Aitor Altuna, eta ahosketa tailerraren berri emango digu Oroitz Jauregi Nazabalek, Euskaltzaindiako Ahoskera batzordeko kideak.