Urtarrilak 31, asteartea
Osasungintza publikoaren eta pribatuaren arteko eztabaidaz, "Faktoria"n
EITB Media
Fermin Labaien Gurutzetako ZIUko zerbitzuburu ohia eta Mikel Alvarez Gurutzeta eta Basurtoko ospitaleetako gerente ohia eta Mondragon Healtheko zuzendari ohia gonbidatu ditugu gaiaz luze eta zabal hitz egiteko.
Bi mediku
Nafarroako osasungintzan, pil pilean dago gai honi buruzko eztabaida, eta guk ere heldu nahi diogu astearte honetako "Faktoria"albistegian; Fermin Labaien Gurutzetako ZIUko zerbitzuburu ohia eta Mikel Alvarez Gurutzeta eta Basurtoko ospitaleetako gerente ohia eta Mondragon Healtheko zuzendari ohia gonbidatu ditugu gaiaz luze eta zabal hitz egiteko. Aurrez, albistegian, Andoni Lizeaga eta Olatz Simon lankideekin Ipar Euskal Herriko eta Frantziako greba orokorrari erreparatuko diogu, eta tertuliaren garaian, Martxelo Otamendi, Nerea Azurmendi eta Eneko Zarraoa espero ditugu.
Lekukoa Maider Segurolak hartuko du 10:00etan, magazinari ekiteko. Hasteko, sistema pneumatikoez ariko gara. EUREKA Zientzia museoan sistema erakusten dute, eta Nerea Etxaniz Hezkuntza Departamentuko begiraleak emango dizkigu azalpenak. Gainera, Laudion zaborra biltzeko ere erabiltzen dute, eta Ander Añibarro alkateak emango ditu azalpenak.
"Bai baina" tartean, Nagore Odriozolarekin ariko gara, eta, segidan, Ruth Mozo elkarrizketatuko dugu, Getariako txakolina jatorri izendapena idazkari nagusia. Gainera, Urretxun zabaldu berri duten exoeskeleto laborategi berria ezagutuko dugu Karlos Fernandez zuzendariarekin.
Irudiak zabaltzeak ekar dezakeen zigorra izango dugu ondoren hizketagai (Cifuentes eta Manada kasuak, adibidez), Unai Aberasturi EHUko Kazetaritza fakultateko Zuzenbide irakaslearekin.Informazio lokalaren taretan, Iparralderantz begira jarriko gara. Bokalen etxeak erosi dituzte herritarrak herrian gelditzeko, eta Beñat Etxebest Etxaldeko kideak emango dizkigu azalpenak.
Bestalde, Lourdes Odriozola Sagardoetxeko historialariak paper zaharretan sagardoa nola azaltzen den azalduko digu eta sagardo mota berriez ariko dira, berriz, Maore Ruiz Lizundia (Bizio sagardoa), Josu Ozaita (Errebelde sagardoa) eta Txarli Gesteira (Zidernaut). Azkenik, "Gure erlauntza"n, birziklapenaz azalpenak emango dizkigu Mattin Jauregik (Balerdipeko erleak), eta Iker Plazaola bakarrizketagilea ere izango dugu.