Euskadi Irratian
Udako denboraldiari hasiera, asteleheneko 'Faktorian'
A.H.
EITB
Kolaboratzaile eta eduki berrituekin ekingo dio astelehenean 'Faktoriak' udako denboraldiari.
Hondartza, uda Argazkia: EITB
Goizeko 10:00etan, HIESaren gainean arituko dira EuskalSidako Asier Lekuonarekin eta abiatu duten kanpainaz galdetuko diote 'Faktoria'n.
10.30etan, Polonia eta Alemania ezagutuko dituzte Maritxu Errazkin gida dutela, eta 11:00etan, Notevayasaalemania.com kanpainaz hitz egingo dute Ane Aranburu arduradunarekin.
Horren ondoren, Alex Txikon, Zuhaitz Gurrutxaga eta Irati Andaren asteroko tertuliari ekingo diote, eta 12:00en aurretik, “Bake arraun” ekimenaz solastuko dute Xabier Agoterekin.