Euskadi Irratian
Hondakinen kudeaketari buruzko solasaldia ostiraleko 'Faktoria'n
A.O.
EITB
Gainera, Uxue Barkos Geroa Baiko diputatua elkarrizketatuko dute Iruñeako udaletxetik.
Zaborra. Argazkia: EITB
Ostiral honetan, hondakinen kudeaketari buruzko solasaldi berezia izango dute 'Faktoria'n, izan ere, zaborrekin zer egin, eta gure herri eta hirietan sortzen ditugun hondakinak nola kudeatu, puri-purian dagoen eztabaida da. 'Faktoria'n gai honen inguruko iritzi eta ikuspuntu desberdinak entzun ahal izango dituzte, Fernando Mijangos, Miren Larrion eta Jose Mari Ribadeneira adituen ahotik, goizeko 10:00etatik aurrera.
Aurretik, Uxue Barkos, Geroa Baiko diputatuari elkarrizketa egingo diote Iruñeako udaletxetik, goizeko 09:00etatik aurrera.
10.30etatik aurrera, Euskal Herriko Udako Ikastaroetara begira jarriko dira Julian Belokik gidatuta.
11:30etan berriz, Iruñeara joko dute 'Faktoria'n, sanferminetako txupinazorako minutu eskasen faltan.