Iñigo Lamarcari elkarrizketa, ‘Udan Plotx!' umore atal berrian

Ostegun honetan, Udan Plotx,  'Udan Blai!' irratsaioko umore atal berrian elkarrizketa berezia egingo diote Iñigo Lamarka arartekoari San Fermin festen inguruan. Eta horren harira, Sanferminetan izango dira goizero bezala, kaleko giroa bertatik bertara ekarriz,  Iñaki Elortza lankidearen eskutik.

Iruñean daudela aprobetxatuta, aurten lehen aldiz entzierroko argazkiak hiru dimentsioetan egiten dituen argazkilaria gonbidatu dute saiora, Alberto Lopez. Estudio berria ireki du Iruñean eta entzierroan ibili direnek berean jaso ditzaketen argazkiak bereziak dira benetan.

Horrez gain, eta Serrat eta Sabina abeslariek Anoetan kontzertua emango dutela aprobetxatuz, 'Udan Blai!' saioak bien artean, euskal aurpegi ezagunenek zein duten gustokoen galdetuko die. Serrat ala Sabina?

Txinara joanen dira gero Banoa ajentziaren eskutik. Eta bukatzeko Hondarribi Blues jaialdian sartu irtena eginen dute.