Ramon Saizarbitoriari elkarrizketa astearteko 'Faktoria'n

Goizeko 9:30etan abiatu eta eguerdira arte informazioa eta entretenimendua eskainiko ditu Euskadi Irratiko goizeko magazinak. Ramon Saizarbitoria idazlea izango dute gonbidatua eta Nagore Telleriak solasean jarraituko du, Martutene bere azken lanetik abiatuta, Euskal Herriaz eta gatazka politikoaz arituko da. Saizarbitoriarenaz gain, beste literatur lanez ere arituko dira, ordea, Lander Garrok ekarriko dituen gomendioetan oinarrituta.

Goizeko 11:00etatik aurrera, proposamen ekologikoek ere izango dute lekurik: aste honetan, oihalezko konpresak eta pixoihalak erabiltzeko aukeraz arituko dira.

Saioa bukatu aurretik, Ane Arrutik kantu berri bat ekarriko du eta Euskal Herriko eraikinetako pisu garaietan dauden taberna eta jatetxetan hartuko dute bermuta.