Gure herrietako jaiak hizpide astearteko 'Faktoria'n

Egunotan asko dira Andra Mari jaiak ospatzen ari diren herriak Euskal Herri osoan eta euretako zenbaitetara deituko dute 'Faktoria'n goizeko 9.30etan. Horrez gain, jairik jai ibiltzen diren erromeria talde txikiekin hitz egingo dute 11.30etan.

Gazaren egoera salatzeko itsasoa zeharkatzen ari den Estelle ontzia ere izango dute ahotan, goizeko 10:00etan. Donostia eta Bermeora helduko da laster eta harrera egingo dioten lagunekin hitz egingo dute.

Eta 10.30etan, Iker Azkoitia genero indarkeriari buruzko “Libre” laburmetrai sariaren egilea izango da 'Faktoria'n.