Abenduak 8
Odei Barrosori elkarrizketa, larunbatean, "Amarauna" saioan
Iparraldeko Bertsolari Txapelketako txapeldunordeari elkarrizketa egingo dio "Amarauna"k 10:00etatik aurrera.
Xilaba
"Amarauna" saioa edukiz beterik dator abenduaren 8an. 10:00etatik aurrera, Odei Barroso elkarrizketatuko dute, Iparraldeko Bertsolari Txapelketan bigarren geratu baita.
Horrez gainera, Durangoko Azokara begira ere jarriko dira "Amarauna" saioko esatariak, eta, 11:00etan, Izar Arregi psikologoarekin solasaldia egingo dute. Haurrei zer esan, nola esan, noraino esan... aztertuko dute.
Azkenik, ogia nola egiten den ere erakutsiko dute Pagoetako Parke Naturaletik, eta Roberto Sarriugarte adituak kupelak ardoa ontzeko duen garrantziaz hitz egingo du.