Endurance ontziak Shackeltonen mitoari tokatzen zitzaion moduko bukaera epikoa izan du Mikel Zabaletarentzat.

Urpeko arkeologoak kontatu digu nola aurkitu duten 1915an izotzak azpiratutako ontzia Weddellgo itsasoan, Antartikatik 160 kilometrora eta 3000 sakoneran. Aurkikuntza mirarizkoa iruditzen zaio berari, altxorra. Hondoratutako ontziak topatzea historia ixteko modu bat dela dio berak.