Igandean
Greziako hauteskundeak eta Kontxako crossfit topaketa, 'Amarauna'n
Greziako hauteskundeez, Georgeos Karakasisek egingo digu analisia. Gertutik begiratuko diegu, gainera Donostiako Kontxako Crossfit lasterketari eta San Adriango historiaurreko arku tiro txapelketari.
Greziako hauteskundeen egunean, Iruñean bizi den greziar euskaldun politologoa gonbidatu dugu gosaritara 'Amarauna' saioan: Georgeos Karakasis. Greziera, gaztelera, inglesa, frantsesa eta euskara hitz egiten ditu. Bera izan zitekeen astelehenean ETB 2n estreinatuko den Aprender euskara misión posible saioko parte-hartzaileetako bat; gainera, Kike Amonarriz aurkezlea ere izango dugu harekin batera.
Buru lanaz aparte, gorputz astinketa ere egingo dugu: Crossfit-a, Ameriketako Estatu Batuetako soldaduek egiten dituzten tankerako erresistentzia probak. Izan ere, igandean, Donostiako Kontxan, Crossfit lasterketa antolatu dute.
San Adrianen berriz, historiaurreko arku bidezko tiro jaurtiketa izango da, dDuela 6000 urteko tankeran arku jaurtiketa. Horri buruz ere jardungo dugu.
Igandean, 10:00etatik aurrera, Nagore Telleriak gidatuta.