Jose Antonio Azpiazu: 'Apustu guztien atzean egoa dago'

Jose Antonio Azpiazu historialaria eta antropologia doktorea da. Juegos y Apuestas en la Historia de Euskal Herria liburua kaleratu berri du eta bertan, jasota dauden aspaldiko apustuak bildu eta kontatu egiten ditu. Ikerketa sakona egin du. Izan ere, apustu askoren berri auzitan bukatu zutelako jakin dugu. Atentzioa gehien deitu dioten apustuetaz hitz egin du 'Amarauna' saioan: kapitainak kartak itsasora bota eta euren zorriekin apustuak egiten zituzten marinelenak, Zubietako pasarteak... eta Oiartzungo emakumeak. Horiek eta adibide gehiago kontatu ditu, bere ikerketan oinarrituta.