'Gure Zirkua egia bihurtutako ametsa da'

Gure zirkua herriz herri dabil Poxpolo pailazoa eta Don Martin aurkezlea gidari direla. Karpa barruan martxan dira lurreko eta aireko akrobaziak, malabareak, kontorsioa, musika zuzenean, magia, labana jaurtitzailea, argi eta soinu teknikariak… Karpa atarian palomitak eta edari freskoak eta inguruan lotarako karabanak, furgonetak, makilajerako txokoak, komunak, arropaz aldatzeko kamerinoak aire librean… Emanaldia hasi aurreko momentu horiek jaso dituzte 'Amarauna' saioan; urduritasun uneak, gidoia errepasatzekoak, beroketak egitekoak... Gure zirkuaren atzeko aldea 'Amarauna'n.