Arraunean, kolore adina ospakizun, igandean, 'Amarauna'n

Igandea egun handia izango da Kontxako Bandera etxeratuko duten bi herrietan. Euskadi Irratiko 'Amarauna'n, denboraldi honetan banderaren bat astindu duten zenbait arraun talderekin hitz egingo dugu, herri bakoitzean garaipena nola ospatzen duten jakiteko.

Gasteizen, bestalde, hiru rokodromo publikoak itxita daude irailaren 1etik, udalak horiek kudeatzeko ateratako lehiaketa esleitu gabe geratu baita. Kaltetutako erabiltzaile bat elkarrizketatuko dugu.

Gainera, German Urteaga ariko zaigu gai librean, eta astronomiari eskainitako tartean, Iruñeko Planetarioko Miren Karmele Gomezek Messier Katalogoari buruz hitz egingo digu.