Nomada eta abenturazalea
Munduari bira auto-stop eginez
Joselu Oiarzabalek munduko 70 herrialde baino gehiago bisitatu ditu, guztiak auto-stop eginda. Bere burua hobeto ezagutzen eta pazientza hartzen ikasi du batez ere.
Your browser doesn’t support HTML5 audio
Joselu Oiarzabal zumaiarra munduko ibiltaria da, nomadatzat eta abenturazaletzat dauka bere burua. Munduko 70 herrialde baino gehiago bisitatu ditu, bidaiatzeko modu berezian, auto-stop eginez. Aurreneko bidaia Jamaikara egin zuen, eta azkena, iaz, Australiara eta Ekialdeko Timorrera. Bidaia horietan guztietan oso hotel gutxitan hartu du ostatua, ia beti kanpin-dendatan egin izan du lo. Liburua ere idatzi du bidaiatzeko modu horretako esperientziekin: The world for my pillow. Batez ere bere burua hobeto ezagutzeko eta pazientzia hartzen jakiteko balio izan dio bidaien esperientziak.