First Lego League
Zientzia eta teknologia arloetako bokazioak sustatuz, era dibertigarrian
Etorkizunean enpresek arlo horietan eskarmentua duten profesionalak beharko dituztela eta, gazteen artean zaletasuna sustatzea du helburu First Lego League Hezkuntza programak.
Your browser doesn’t support HTML5 audio
Gaur Euskadiko finalak jokatu dira Deustuko Unibertsitatean, Bilbon, Mondragon Unibertsitatean, Arrasaten, eta Eureka Zientzia museoan, Donostian. 6 eta 16 urte arteko ehundaka neska mutikok hartu dute parte eta besteak beste lan eta bizi izateko ingurune hobeak sustatzeko garatu dituzten proiektuak defendatu behar izan dituzte. Itsuentzat app bat Markinako ikasleek, autobusera bizikletak igo ahal izateko irtenbidea Gasteizkoek, etxegabeentzat laguntza kit-a Durangokoek, eraikinak babestu eta energia aurrezteko lorategi bertikalak Donostiakoek... proiektu oso diferenteak iritsi dira finalera.