"Oinezko izateari utzi eta bezero bihurtzen gaitu espazio publikoko publizitateak"

Bilboko Azkuna Zentroan dagoen erakusketan izan da 'Amarauna', baina herritarren iritzia ere jakin nahi izan dugu. Mario Paniego "Espazio publikoa, publizitate gunea" erakusketaren komisarioak honako galdera zabaldu nahi izan du: beharrezkoa al da publizitatea eremu publikoan? Berak argi du: "Publizitateak ez digu zerua edota gure hiria ikusten uzten. Kalera irten eta bezeroak bihurtzen gaitu eremu publikoan dagoen publizitateak". Beste herrialde batzuen adibideak ere ekarri ditu erakusketara, eta hainbat ekintza proposatu dizkie bisitariei, erakusketan parte hartu duten artisten bitartez.