Covid Study Houses
Jonander Agirre: "Bizimoduak aldatu dira, baina etxebizitzen espazio-antolaketa ez"
GORKA OTAEGI
Non pasa dugu itxialdia? Galdera horri erantzuten dioten 191 marrazki bildu eta liburu batean argitaratu dituzte Jonander Agirre eta Ekain Olaizola arkitektuek, ondorio eta hausnarketekin batera
Your browser doesn’t support HTML5 audio
Zuri-beltzekoak, koloretakoak, handiak, txikiak, altzaridunak, testudunak eta baita abstraktuak ere. Jonander Agirre eta Ekain Olaizola arkitektuek era guztietako planoak jaso zituzten jendeari honakoa galdetu ziotenean: "Non pasa duzue itxialdia?". Planoen aniztasunak, ordea, talka egiten du etxebizitzen espazio-antolaketa "estandar, patrialkal eta hierarkikoarekin". Hala azaldu digu Agirrek: "promotoreen eta etxebizitzeko biztanleen arteko arrakala gero eta handiagoa da". Entzun Covid Study Houses proiektu eta liburuaren nondik norakoez izandako solasaldia.