Landakanda hil da
"Landakanda erreferente bat izan zen, eta panderoa jotzeko era berezia zuen"
Maria Agirre | EITb Media
Ramon Zubizarreta `Landakanda´pandero jolearen biografiari errepasoa. Iñaki Garmendia 'Laja'rekin aritu zen trikitian. Mikel Alustiza Zumarragako Trikitixako kideak eta Angel Larrañaga bertsolari eta panderojoleak ere ezagutu zuten 'Landakanda'.
Your browser doesn’t support HTML5 audio
Ramon Zubizarreta 12-13 urterekin hasi zen panderoa jotzen. Azkoitian, Errota zuten baserrian eta hirina ehotzen zen bitartean praktikatzen zuela aitortu izan du. Ikasi berriz bere kasa. Hainbat soinu jolerekin aritu zen, baina Lajarekin lortu zuen arrakasta. Lau diskotan utzi dizkigu Landakandak bere soinu, kantu eta hain bereak zituen animo irrintziak. Mikel Alustiza Zumarragako Trikitixako kideak eta Angel Larrañaga bertsolari eta panderojoleak ere ezagutu zuten 'Landakanda', eta eurekin hitz egin dugu "Amarauna" saioan.
88 urterekin hil da, irailaren 25ean.