'Sor ditzagun foroak ekoizleen artean, eta erabaki dezagun zer nahi dugun eta nora joan nahi dugun'

Gaur egun izendapen beraren azpian hiru erkidegotako mahastiak daudela kontatu digu Garaizabalek. Baina lur horien eta mahatsaren ezaugarria eta kalitatea ez dira berdinak. Izendapen horren barruan dauden upategi handi eta txikien interesak ere ez.

Ardo ondu bat ezin dela 4 euro baino gutxiagoan komertzializatu esan digu. Mahats kiloa ekoiztea 70-80 zentimo kostatzen da eta horixe ari zaie ordaintzen ekoizleei. Upategi handiek ardoa merkeago ekoizten dutela eta txikiek hor ezin dutela lehiatu azaldu digu. Testuinguru horretan Arabar Errioxako upategi txikiek beraien proiektua bereizteko dauden aukera eta trabez aritu gara.