Baginen bagara
Emakume artistak ikusgarritasun(ez)etik San Telmo museoko erakusketara
Haizea Barcenilla eta Garazi Ansa komisarioek 2 urteko ikerketa lanaren ondoren, eta San Telmo museoaren interesetik abiatuta emakume artistek arte sistemaren konfigurazioan bizi izan duten ikusezintasunaz gogoeta proposatu dute.
Your browser doesn’t support HTML5 audio
130 artelan bildu dituzte Baginen Bagara erakusketan. 40 dira Gipuzkoako Foru Aldundiko gordailukoak, 9 Kutxa Fundaziokoak eta gainerakoak San Telmo museoko bildumakoak. Batez ere pinturak, baina denetik dago erakusketa handian. Gogoetarako bidea emateko galderak ere asko: Nola eratzen da bilduma bat? Zeinena da lan hau? (bai baitira euren anaia edo aitei egozten zaizkien lanak) Ba al da emakume artista profesionalik?