A2 motako esnea
Abiesnea, kaseinari intolerantzia dionarentzat
Arantxa Arza | EITb Media
A2 motako esnea errazago liseritzen dute kaseinari intolerantzia diotenek. Hori lortzeko ikerketa aitzindaria egin du Nafarroako Unibertsitateko irakasle talde batek. Behien genetika landuz lor liteke esne mota hori.
Your browser doesn’t support HTML5 audio
Esneari intolerantzia dion jende asko dago. Agian ezagunena laktosarekiko intolerantzia da, baina badago beste intolerantzia mota bat ere, sarri agertzen dena, esnearen proteina bati dagokiona: Kaseina. Esnearen proteina hori ongi xurgatzen ez duen jendeak arazoak izan ohi ditu esnea ongi liseritzeko.
Arazo hori dutenentzako irtenbidea izan litekeena topatu dute Nafarroako Unibertsitatean: Abiesnea deituriko ikerketa- proiektua garatu du UPNAKO nekazaritza eskolako irakasle talde batek.
Tartean da Jose Antonio Mendizabal albaitari eta irakaslea. Berari eskatuko dizkiogu ikerketa horri buruzko xehetasunak.