''Eskudirua maite dugu''
Ordainketak diru fisikoarekin egitera animatzeko kartela jarri du Donostiako okindegi batek
Gorka Otaegi | EiTb Media
Diru fisikoa gero eta gutxiago erabiltzen den garaiotan, eskudirua desager ez dadin "kanpaina" abiatu du Donostiako okindegi batek. "Eskudirua desagertzen bada, erakundeen kontrolpean geratuko gara erabat", adierazi digu Mikel Galparsoro okindegiko arduradunak
Your browser doesn’t support HTML5 audio
Eskudirua desagertuko den beldur da Mikel Galparsoro okina: "Dena txartel bidez ordaintzen badugu, gobernuek kontrol mekanismo berriak ezarri ahalko dizkigute", ohartarazi du. Bere Donostiako okindegian kartela jarri du bezeroak eskudirua erabiltzera animatzeko.
Gure ordainketa moduak eta horien ondorioak aztertu ditugu aste honetako jendaurreko tertulian Galparsororekin berarekin, Juan Barredo EHUko ekonomia aplikatuko irakaslearekin, Erlantz Astorkiza Otxarkoagako optikariarekin eta Leire Gotxi Londresko kale kantariarekin. Entzun!