Izarrik ez zeruan
"Etorkizuneko belaunaldiei zerua lapurtu diegu"
GORKA OTAEGI | EITB Media
"Euskal Herri osoan ez dago izarrak ondo ikusteko aukera ematen duen puntu bakar bat ere, argi kutsaduraren erruz". Hori adierazi du Virginia García Aranzadi elkarteko astronomia zuzendariak. "Gure lurraldea munduko kutsatuenen artean dago, eta azken urteotan okerrera egin dugu", dio.
Your browser doesn’t support HTML5 audio
Ez hirietan, ezta mendi edo landa inguruetan ere. Euskal Herrian ezin dugu zeru izartsu eta garbiaz gozatu. "Gurean garbi dagoela iruditzen zaigun zeruak ere argi-kutsadura maila altua du", azaldu digu Virginia García Aranzadi elkarteko asntronomia zuzendariak Euskadi irratiko Amarauna saioan. "Azken urteotan arazoa okerrera egin du, eta ikerketa batzuek diote argi kutsadurak minbizia ere eragin dezakeela". Arazoaren kausez, eraginez eta konponbideaz hitz egin digu entzungai duzun elkarrizketa honetan.