Kroazia
Marija eta Matteo Louvric ama-semeek euren historia kontatu digute, Kroaziako bizkotxa mahaian dugula
Aranxta Arza | EiTb Media
Lehenik aitak egin zuen Kroaziatik Euskal Herrirako bidaia eta gero ama-semeak etorri ziren bisitan. Matteok Euskal Herrian hilabete zeramala, gurasoei esan zien ez zuela Kroaziara itzuli nahi. Gaur egun Urrestillan bizi dira.
Your browser doesn’t support HTML5 audio
Kroaziako kostaz, aitortu digute, oso polita eta erakargarria den arren, oso garestia dela eta Kroaziako barnealdean ere badaudela toki ikusgarriak. Kroaziako hirien artean, Duvronik nabarmendu digute Marija eta Matteo Louvric-ek.
Euskal Herriko euren bizimoduari dagokionez, hasieran Zestoa izan zuten bizileku baina gaur egun Urrestillan bizi dira. Ondo egokitu dira Euskal Herriko bizimodura, besteak beste, hautu irmoa egin dutelako Euskara ikasteko. Amak, gaztelera alde batera utzi eta euskara ikasi du AEKn hemengo hizkuntza horixe delako eta horrek ate asko zabaldu dizkie. Gainera, aitortu digute, Euskal Herrian jendea irekiagoa eta gozoagoa dela Kroazian baino.