"Angela Davisek emozioa transmititu digu Bartzelonan, borrokan jarraitzeko grina"

Hamargarren urteurrena bete du aurten Fira Literal azokak, ideia eta liburu erradikalen topaguneak, eta feminismoa ardatz hartuta mundua aldatzeko gakoei buruz eztabaidatu dute. Han izan da Goikoetxea, eta Bea Duodu Owusu kazetariarekin batera elkarrizketa egin dio Angela Daviseri. Txiki gelditu da Fira Literaleko eremu nagusia gaur egungo erresistentzia mugimenduen inguruan egindako solasaldia jarraitu nahi zutenentzako, eta beste bi areto atondu dituzte. Zuzenekoa milaka lagunek jarraitu dute sare sozialetan ere, emakume ekintzaile honek sortzen duen interesaren erakusle.