GURE HARIA
Txakolina eta komikiak
Ainhara Zuazabeitia | EITB Media
Edozein izan liteke leku egokia komikiez gozatzeko, Getariako Ameztoi txakolindegia edo Bakioko Txakolingunea. Azken honetan, gainera, komikiei buruzko erakusketa jarri dute.
Your browser doesn’t support HTML5 audio
Getariako Ameztoi txakolindegian hasi dugu "Baipasa" eta Bakioko Txakolinaren Museoan jarraitu, azken honetan ikusgai baitago "Komikia" izeneko erakusketa. Euskal Herriko komiki eta komikigile nagusien lanek osatzen dute, 1975etik gaur egunera arteko errepasoa eginez.
Hori aitzakia hartuta, komikiaren munduan murgildu gara Marko Armspach komikigilearekin, Irune Arnaez Komikiguneko teknikariarekin eta Donostiako Tobacco Days liburudendako Ines Azpiazurekin. Bere bost komiki kuttunak ekarri dizkigu Baipasako kolaboratzaileak.