Erretiroak

Pandemiarena guk nahi ala ez etorri zitzaigun geldiunea izan da. Baina beste batzutan nahita bilatzen dira egunerokoarekin haustura eta errutina isilaraztea. Eta hori, zertarako? Ba horixe galdetu diegu gaurko gonbidatuei. Esther Fernadez Tidore Yoga Klubeko arduradunak ekainaren 20an Getariako Iturregi Hotelean antolatu duten erretiroaz mintzatu zaigu. Kool Studioko Karmele Salsamendirentzat eta McOnak musika taldeko Irati Irizar biolin-jotzailearentzat bizitza beste era batera ikusarazten eta gauzak beste modu batera hartzen lagundu dien esperientzia izan da Ibizan Zuriñe Hidalgok antolatzen duen Enraizadas delako erretiroa. Arantzazuko Asis Topagunean, berriz, uztaileko lehen asteburuan 'Gure zaurgarritasuna isiltasunetik besarkatzeko' erretiroa antolatu dute, Joxe Mari Arregi frantziskotarrak azaldu digun moduan.