Gure haria
Itsustasunaren aldarrikapena
Lierni Ibargutxi | EITb Media
Belgikako etxe itsusien bildumarekin hasi, Italiako herritarrik zatarrenen herritik pasa eta 'ugly fashion' edo moda itsusiraino.
Your browser doesn’t support HTML5 audio
Itsustasuna bogan omen dago, edo, hobe esanda, estilo bat da bere horretan, modaren munduan, azkeneko hiru urteetatik. Horixe esan digu Markel Darrk diseinatzaileak. Joera bat baino gehiago, pentsamolde bat ere izan daiteke, beraz, dotoreziaren eta gustu onaren kanonen aurkako janzkera. Artearen munduan aspalditik da ezaguna kanon apurtzaileak izan diren mugimenduak, Durangoko Arte Historia Museoko Garazi Arrizabalaga arduradunak azaldu digunez. Eta itsusi esateko eta zatarkeriak esateko zenbat modu ezagutzen ditugu? Jijaua.eus Euskara Kolokiala Sustatzeko Guneko Gilen Mejutok erakutsi dizkigu batzuk. Sakatu play eta entzun elkarrizketak osorik!