Migrazio politikak, giza eskubideak eta mugak ixteko eta irekitzeko argudioak

Melillako hesian, Texaseko San Antonioko kamioian, Meditarraneoan... Migratzaileak hilda. Gaiari heldu diogu, filosofia politikoak migratzaileen eta mugen auziaz zer dioen jakiteko, Ander Errastirekin. "Mugen gaia gai politiko konplexuenetakoa da, baina hori ezin da sekula izan giza eskubideen urraketarako aitzakia", esan digu. "Eta gizarte gisa ere, koherenteak izan behar gara, eta benetan uste badugu Texasen edo Melillan ikusi ditugun irudiak ez direla onargarriak, egin behar duguna da erakundeei koherentzia eskatu eta hori ekiditeko erabakiak har ditzaten exijitu, eta iruditzen zait ez dela egiten", gehitu du Errastik.