Lima moussea kristalezko ontzian

Enara Parrak lima moussea kozinatzea proposatu digu giro udatiarreko piknikerako. Postre paregabea izan daiteke, azkar prestatu eta kristalezko ontzian eramateko prest izan dezakeguna.

Osagaiak (4 pertsonentzat):

70 g galleta

25 g gurin

2 arrautza zuringo

80 g azukre

200 g jogurt grekoa

Lima baten zukua

Lima baten birrindura

Urratsak:

- Lehenengo, moussaren oinarria egingo dugu. Gurina mikrouhin-labean urtu eta galletak birrinduko ditugu. Biak nahastu eta kristalezko lau ontzitan banatuko dugu nahasketa.

- Koilara txiki batekin presioa egingo dugu basea lautzeko.

- Goazen moussarekin, katilu batean, jogurta, lima zukua eta lima-birrindura nahastu koilara batekin.

- Ontzi haudi batean zuringoak harrotzen joango gara irabiagailu elektriko batekin, azukrea bi tandatan gehituz. Merenge bat lortu arte.

- Bi txandatan gehituko dugu lima-jogurtaren nahasketa merengera. Mihi baten laguntzarekin nahastuko dugu inguratze-mugimenduak eginez.

- Nahasketa lau tarrotxoetan banatu koilara batekin.

- Ontziak itxi eta hozkailuan gorde lau orduz.