Patxadan
Bueltaka
Tere Beloki | EITb Media
Ander Izagirreren "Vuelta al País Vasco de Elkano" hizpide hartuta.
Your browser doesn’t support HTML5 audio
Duela urtebete astebetez Euskal Herrian beste bost lagunekin egindako bizikleta bidaia oinarri duen liburu hau ez da Elkanori buruzko liburu bat baina Elkano aipatzen du atal guztietan. Etapa guztietan esan beharko genuke. Bidaia liburu bat balitz bezala, etapaka sailkatu duelako Ander Izagirre kazetari eta idazle donostiarrak ikusi, entzun eta hainbat esparrutako adituen ezagutzatik edan duena. Elkanoren garaiko protagonistak XXI. mendekoekin tartekatzen ditu Izagirrek bere bizikleta gaineko kontaketan. 400 orrialde eskax behar izan ditu besteak beste frogatzeko Euskal Herria itsasoari begira bizi izan den lurraldea dela.