Euskadi Irratia sortu zen egunean (orain dela 40 urte) gertatuak

1982ko azaroaren 23an aireratu zen lehen aldiz Euskadi Irratia, eta egun horretan bertan gertatutako batzuk gogoratuko ditugu. Tolosan euskararen egoerari buruzko mahai-ingurua egin zuten alderdi politikoen artean, eta bertan moderatzaile aritu zen Kike Amonarriz. Frantziako itsas-patruila batek Baionara atxilotuta eraman zituen baxurako sei arrantzontzi; Eusebio Arantzamendi arrantzale izana guztiaren testigu. Eta irratia sortu zen egun hartan zine-karteldegian "Brianen bizitza" zegoela ikusteak film arrakastatsu honi buruz SADE enpresako Iñaki Elortzarekin hitz egiteko aitzakia eman digu.