Mertxe eta Ziortza, lehengoaren segida orainaldian

"Aizu aizu lehiaketak" egundoko arrakasta lortu zuen Euskadi Irratiaren hasierako garaietan, eta saio hura gogoratuz Mertxe Ezeizaren ibilbidea errepasatu dugu bere eskutik. Mertxek kontatu digu 80ko hamarkadan egundoko arrakasta zutela jendea zoriontzeko irratsaioek, eta 40 urteren ostean antzeko irratsaioetan dabilen Ziortza Garcia Ikus-entzunezko Komunikazioko ikaslea topatu dugu; bi belaunaldi guztiz desberdin irratsaio mota berdinak lotu ditu. Gainera, beste ikasle batek, Irati Madinak "Jon eta Jone" irrati fikzioaren oroitzapena ekarri digu, eta horrek bikotearen rola jokatzen zuten Gorka Etxebesterekin eta Lierni Ibargutxirekin hitz egiteko aukera eman digu.