Energia berriztagarriak eta lehengaien berreskuratzea

Energia berriztagarrien sektorea hazten doa arlo guztietan eta teknologiak geroz eta pisu handiagoa dauka. Ordiziako Lortek kooperatiba Europar Batasunaren Durable proiektuan ari da parte hartzen eta dronak erabiltzen aerosorgailuen mantenu-lanetan. Sarako Iletegian, berriz, ekonomia zirkularra darabilte filosofia gisa: artilea zaborretara botatzen den garaietan etekina ateratzen diote eta artzainei ere aukera berri bat irekitzen zaie, ardi latxen ilea zaborretara botatzeko ordaindu ordez.