Urteko balorazioa, Cid eta Amurizaren eskutik, gaurko ‘Faktoria’n

10:00etan emango diogu hasiera ‘Faktoria’ magazineari. Hezkuntzako I. App Azoka dela eta, Zaloa Diaz, Tatiana Ferreiro eta Garazi Barreras gonbidatuak izango ditugu gurean. Ordu erdi geroago, filosofiari eskainitako tarte berezian, Talesen inguruan hitz egingo digu Markos Zapiainek.

11:00etan, Alazne Iruretagoiena zarauztarra izango dugu gurean, Argentinan bizi den euskaldun baten testigantza ezagutzeko. Jarraian, Lierni Ibargutxi lankideak musika albisteak ekarriko dizkigu eta kontzertu baterako bi sarrera bikoitza irabazteko aukera emango dizue.

11:30etako solasaldian, Carlos Cid eta Xabier Amurizak urtearen balantzea egingo dute. Gero, Pili Manterola eta Igor Zalakain izango ditugu aurrez aurre, sukaldari deman. Aste honetan, Gabonzaharreko menua izango da bi sukaldarien erronka.

Bukatzeko, 12:30etan, Gurutze Etxezabal eta Jose Etxeberriak Nafarroako Unibertsitate Publikoan euskara ikasteko ekimenaren berri emango digute.

emango digute.