Asteazkena
Emiliano Lopez Atxurra, asteazkenean, 'Faktoria'n
G.U.
EiTB
Tecnaliako eta Petronorreko presidentea elkarrizketatuko du Maite Artolak. Gainera, World Cheese Award txapelketa eta anorexia ere izango ditugu hizpide, 13:00ak bitartean.
Emiliano Lopez Atxurra izango da asteazken honetan 'Albiste Faktoria'ko elkarrizketatu nagusia. Tecnaliako eta Petronorreko presidentea elkarrizketatuko du Maite Artolak 09:00ak aldera.
07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du gidaritza, eta, lehen-lehenik, Pablo Basterrarekin hitz egingo du, Artzai Gazta elkarteko presidentearekin, World Cheese Award txapelketa hasten den egunean bertan. 08:30ean, solasaldian izango dira Javier Arrieta, Deustuko unibertsitateko Lan Zuzenbideko irakaslea, Eguzki Urteaga, EHUko irakasle eta soziologoa, eta Hedoi Etxarte idazlea.
09:00etan, eguneko gai nagusien errepasoa egin ondoren, Emiliano Lopez Atxurra Tecnaliako eta Petronorreko presidentearekin hitz egingo dugu, eta Marian Beitialarrangoitia EH Bilduk Madrilen duen diputatuarekin ere hitz egingo dugu. 09:30 aldera, berriz, Adrian Zelaia Ekai Centerreko presidentearekin aztertuko dugu Trumpen presidentetzak nola baldintzatuko duen Ameriketako Estatu Batuen eta Europar Batasunaren arteko harremana. Amaitzeko, gainera, Koldo Almandozen zinema-gomendioa izango dugu.
10:00etan, Manu Etxezortuk hartuko du lekukoa. Fijin Munduko Sup txapelketa jokatzen ari da, eta Jurgi Zulaika bertan ari da lehiatzen. Kirolari donostiarrarekin solasean aritzeko aukera izango dugu. Ondoren, Kattalin Miner kolaboratzailearen tartea izango dugu, eta, segidan, kirol aurrerapena. Horren ostean, Juanjo San Miguelek eutanasiak nazioartean zein leku duen azalduko digu.
11:00etan, anorexia izango dugu hizpide. Gaitz horren kontrako borrokan 10 urtez aritu ondoren, gaur egun arazoaz lasai hitz egiten duen Maria Zunzunegiren testigantza jasoko dugu. Jarraian, Amaia Nausiaren eta Arantzazu Fernandezen solasaldia izango dugu.
12:00etan, Xabi Larrazabalek Donostia 2016ko ekimenen berri emango digu, eta, gainera, tatoo eskola bat ezgautuko dugu barrutik. Bestalde, errugbiari ere egingo diogu tartea. Larunbatean Anoetan jokatuko dute Tongako eta AEBetako errugbi selekzioek, eta antolatzaileek xehetasunak emango dizkigute. Saioa amaitzeko, Imanol Ituiñoren irrati-magia izango dugu.
07:00etatik 13:00era, martxan izango dugu 'Faktoria'.
oria'.