Zea Mays taldeko kantaria, Aiora Renteria, ostiralean, 'Faktoria'n

Aiora Renteria izango da ostiral honetako 'Faktoria' saioko gonbidatu nagusia. Zea Mays taldeko kantaria Harro disko berria aurkeztera etorriko da. Bestalde, Joseba Agirretxea diputatu jeltzalearekin hitz egingo dugu, eta gazteek alkoholarekin duten harremanaz ere arituko gara.

Saioa 07:00etan hasiko da, eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza. 08:30ean, solasaldian izango dira Maite Ubiria kazetaria, Felipe Juaristi kazetaria eta Iñaki galdos analista politikoa. Gainera, Joseba Agirretxea diputatu jeltzalearekin hitz egingo dugu. 09:30ean, gazteak eta alkohola izango ditugu hizpide AGIPAD (Asociación Guipuzcoana de Investigación y Prevención del Abuso de Drogas) elkarteko Lukene Lizasorekin eta Bilboko Udaleko Gazteria saileko Koldo Bilbaorekin.

10:00etan, Manu Etxezortuk hartuko du lekukoa. Lehen-lehenik, Mikel Gartziak eta Jurdan Arretxek asteko titularren analisia egingo dute. Kirol aurrerapena egin ondoren, Urdaibai Bird Center zentroarekin bat egingo dugu, Edorta Unamunorekin hitz egiteko.

11:00etan, Zea Mays taldeko kantari Aiora Renteria Harro disko berriaz mintzatuko zaigu. 11:30ean, Garbiñe Agiriano psikologoaren tartea zabalduko dugu, eta, jarraian, Donostiako Dokan egingo duten Ligodromoaz arituko gara Nerea Sancho sexologo eta DSSirez mugimendu erotikoaren zuzendariarekin.

12:00etan, Nagore Telleriak asteburuan 'Amarauna' saioan izango dituzten eduki nagusien aurrerapena egingo digu. Gainera, Ane Muñozen zinema proposamena ere entzungo dugu.

07:00etatik 13:00etara izango dugu martxan 'Faktoria'.

oria'.oria'.