Abenduak 1
Gipuzkoako Ingurumen diputatu J.I. Asensio, ostegunean, 'Faktoria'n
Gainera, Gesida kongresuaz ariko gara, eta Zuriñe Dárceles youtuberra ezagutuko dugu.
Jose Ignacio Asensio. Artxiboko argazkia: EiTB
Jose Ignacio Asensio, Gipuzkoako Ingurumen diputatua izango da ostegun honetan 'Faktoria' saioan. Gainera, Gesida kongresuaren berri emango dugu, eta Northern Kings taldea eta Zuriñe Dárceles youtuberra ezagutuko ditugu.
07:00etan hasiko da saioa, eguneko albiste nagusien errepasoa eginez. 08:00etan, Maite Artolak hartuko du albistegiaren gidaritza. 08:30ean, Maite Ubiria eta Nerea Azurmendi arituko dira aktualitateko gaiei buruz solasean. 09:00etako albiste errepasoa egin ostean, Gesida kongresuaz hitz egingo digu Koldo Agirrebengoak. Ibon Sarasola hizkuntzalariaren gomendioak entzungo ditugu gero, eta Jose Ignacio Asensio Gipuzkoako Ingurumen diputatua elkarrizketatuko dugu ondoren.
10:00etatik 13:00etara, berriz, Manu Etxezortuk hartuko du lekukoa, eta magazinak egingo du bidea. Goizari Idoia Torregaraik jarriko dio umore printza. Jarraian, Northern Kings peña ezagutuko dugu, BILBAO BSR gurpil-aulkiko saskibaloi taldea animatzen izaten diren zaleek eta jarraitzaileek sortu duten peña. Estatuko lehenengoa da.
11:00etan, berriz, Mikel Chamizok Gustav Mahler konpositorearen biografia musikatua aurkeztuko digu. Esther Moyuaren liburu gomendioa ere jasoko dugu ordua amaitu aurretik.
12:00etan, gainera, Youtuben bi kanal dituen Zuriñe Dáerceles etorriko zaigu. Sleeptak eta YumeToki dira bere kanalak.
07:00etatik 13:00etara izango dugu martxan 'Faktoria'.
oria'.