Ahal Dugu Nafarroako Laura Perez, asteazkenean, 'Faktoria'n

Ahal Dugu Nafarroako Laura Perez eta Begoña Muñiz argentinar euskaldundua elkarrizketatuko ditugu 'Faktoria'n asteazken honetan.

07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du gidaritza. Hasteko, Alberto Lopez Basaguren Zuzenbide katedraduna sartuko zaigu albistegian telefonoz, Brexitak parlamentutik pasa beharko duela eta. Jarraian, Niko Cuenca ekonomistaren azalpenak entzungo ditugu. 08:30ean, solasaldian izango dira Javier Diaz Noci, Hedoi Etxarte eta Javier Arrieta. 09:00etatik aurrera, Ahal Dugu Nafarroako Laura Perezekin hitz egingo dugu. Gainera, paperezko tiketak supermerkatuetatik desagertzeko bidean direla eta, Gasteizko saltoki batera joko dugu, eta Lander Belokik, Mondragon Unibertsitateko Enpresaritza fakultateko dekanoak, ere hitz egingo digu gaiaz. Saioa amaitzeko, Koldo Almandozen zinema gomendioa entzungo dugu.

10:00etan, Manu Etxezortuk hartuko du lekukoa. Hasteko, Joseba Lakarekin hitz eginigo dugu, big data kudeatzaileak behar direla eta. Kattalin Minerren tartea entzungo dugu, eta, ondoren, kirol aurrerapena izango dugu. Juanjo San Miguel lankideak Brexitak Erresuma Batuan izango dituen ondoriak azalduko dizkigu.

11:00etan, Begoña Muñiz ezagutuko dugu, argentinar euskaldundua. Eusko Ikaskuntzaren ENE saria jasotzera etorri da Euskal Herrira, eta 'Faktoria'n bere bisita espero dugu. Argentinako bi eskolatan euskara dute ikasgaien artean. Beraz, 3.000 ikaslek euskara ikasten dute han, astean ordubetez bada ere. Horretan aritzen da, besteak beste, Begoña Muñiz. Jarraian, 'Mesedeen eskailerak' ekimena izango dugu hizpide. Donostian, San Martin azokan igogailuak konpondu bitartean, kirolariak ariko dira laguntzen. Iñaki Almandoz Askatuakeko presidenteak eta Alvaro Hernandez laguntzaileak emango digute ekimenaen berri. 11:30ean, Arantzazu Fernandezekin eta Amaia Nausiarekin solasean arituko gara, eskola jazarpenaz.

12:00etan, Asvineneaz arituko gara, errelebo eske dabiltzalako bertan. Iraitz Lizarragak kontatuko digu. Bestalde, Mikel Erentxunez hitz egingo dugu, euskal musikarien begietatik ikusita. Itziar Alduntzinek egindako erreportajea da. Saioa amaitzeko, Imanol Ituiñoren irrati-magia izango dugu.

07:00etatik 13:00etara izango dugu martxan 'Faktoria'.

oria'.