Anne Etchegoyen kantaria, astelehenean, 'Faktoria'n

Anne Etchegoyen abeslaria elkarrizketatuko dugu, astelehenean, 'Faktoria'n. Compostelle disko berria erakutsiko digu Donapaleuko kantariak. Gainera, Gure Esku Dagoren herri galdeketen balorazioa egingo digu Zelai Nikolasek.

07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza. 08:30ean, solasaldian izango dira Iñaki Galdos, Mikel Aramendi eta Jesus Prieto. 09:00ak aurretik, Zelai Nikolas Gure Esku dago ekimenaren ordezkariarekin hitz egingo dugu. 09:30ean, berriz, kontzertuez, sarrera salmentez eta birsalmentez ariko gara.

10:00etan, 'Faktoria Magazina' jarriko du martxan Manu Etxezortuk. Hasteko, Frantzia marka gisa aztertuko digu Joseba Kamio publizistak. Maysharekin hitz egingo dugu gero. Kirol aurrerapenaren ostean, Martin Gartziandia Gasteizko sindikoa arituko zaigu.

11:00etako ordua kirol solasaldiarekin hasiko da. Beñat Zarrabeitiak eta Andoni Urbistondok asteburuko kirol emaitzak eta gertakariak aztertuko dituzte. 11:30 aldera, Anne Etchegoyenekin hitz egingo dugu.

12:00etan, Kutxa Ekogunearen tartea zabalduko dugu Kakun Orbegozorekin. Saioa amaitu aurretik, jakina, Tania Arriagaren tartea izango dugu. Gure bizitzako filmeei buruz mintzatuko gara.

07:00etatik 13:00era, martxan izango dugu 'Faktoria'.