Istripuaren ostean
Ane Santesteban txirrindularia, astelehenean, 'Faktoria'n
G. U. | ERRDAKZIOA
Istripuaren ostean, berriz lehian da errenteriarra. Manu Etxezortuk egingo dio elkarrizketa. Gainera, Jesus Eguigurenek parte hartuko du Maite Artolaren solasaldian.
Ane Santesteban txirrindularia elkarrizketatuko dugu, astelehenean, 'Faktoria' saioan. Entrenatzen ari zela ibilgailu batek harrapatu, eta bide bazterrean utzi ondoren, lanean jo eta su aritu da errenteriarra, berriz ere pedalei eragin, eta lasterketei ekiteko. Emakume Bira amaitu berritan, Manu Etxezortuk egingo dio elkarrizketa. Gainera, PSOEren idazkari nagusi izateko hauteskundeen ondoren, Jesus Eguigurenek hartuko du parte Maite Artolak gidatutako solasaldian. Bestalde, Espainiako bioetika batzordeak nazioartean haurdunaldi subrogatuak debekatzeko aholkua eman ondoren, Itziar Alkorta EHUko zuzenbide irakasle, gaian aditu eta bioetika batzordeko kide ohiarekin hitz egingo dugu
07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza. Hasteko, Niko Cuencaren ekonomia azalpenak entzungo ditugu. 08:30ean, Iñaki Galdos, Jesus Prieto Mendaza eta Martin Garitano izango ditugu solasaldian. Jesus Eguigurenek ere hartuko du parte, PSOEren barne hauteskundeez hitz egiteko. 09:00etako albiste errepasoaren ondoren, alokairua izango dugu hizpide, eta, 09:30ean, haurdunaldi subrogatuaz ariko gara. Saioa amaitzeko, Bernardo Atxagaren tartea izango dugu.
10:00etan, 'Faktoria Magazina' jarriko du martxan Manu Etxezortuk. Hasteko, Getxomodan garaile izan den Eder Aurre moda diseinatzailearekin hitz egingo dugu. Jarraian, Maysharen tartea izango dugu. Kirol aurrerapenaren ostean, Martin Gartziandia Gasteizko sindikoarekin, eskoletako guettifikazioaz ariko gara.
11:00etako ordua kirol solasaldiarekin hasiko dugu. Beñat Zarrabeitiak eta Andoni Urbistondok asteburuko kirol emaitzak eta gertakariak aztertuko dituzte. 11:30 aldera, Ane Santestebanekin ariko gara solasean.
12:00etan, Kutxa Ekogunearen tartea zabalduko dugu Maitane Alvarezekin, udaberri festaz hitz egiteko. Bestalde, argazki gehiegi ateratako lekuetan blokeatzen den Restrict kameraren berri jasoko dugu. Saioa amaitu aurretik, jakina, Tania Arriagaren tartea izango dugu.
07:00etatik 13:00era, martxan izango dugu 'Faktoria'.